Privacy policy

Persónuverndarstefna On & Off ehf

Síðast uppfært: 11. september 2026

On & Off ehf leggur áherslu á að vernda persónuupplýsingar viðskiptavina sinna. Í þessari stefnu kemur fram hvaða upplýsingum við söfnum, í hvaða tilgangi, hverjum þær eru afhentar og hvernig við tryggjum öryggi þeirra, þar á meðal kortaupplýsinga. Öll vinnsla er í samræmi við lög nr. 90/2018 um persónuvernd og vinnslu persónuupplýsinga og almennu persónuverndarreglugerðina (GDPR).

1. Ábyrgðaraðili

On & Off ehf
Kennitala: 590226-1300
VSK-númer: 161037
Álftamýri 6, 108 Reykjavík
Netfang: onogoff@onogoff.is
Sími: +354 793 3002

2. Hvaða upplýsingum söfnum við?

• Upplýsingar við pöntun: nafn, heimilisfang, netfang, símanúmer, pöntunarsaga og upplýsingar um afhendingu.
• Greiðsluupplýsingar: við fáum aðeins staðfestingu á því hvort greiðsla hafi tekist ásamt takmörkuðum upplýsingum, t.d. tegund korts og síðustu fjóra tölustafi kortanúmers. Sjá nánar í kafla 5.
• Samskipti: upplýsingar sem þú sendir okkur í gegnum hafðu samband-form, tölvupóst eða síma.
• Póstlisti: netfang ef þú skráir þig á póstlista okkar.
• Notandaaðgangur: upplýsingar sem þú skráir ef þú stofnar aðgang í vefversluninni.
• Tæknilegar upplýsingar: t.d. IP-tala, tegund vafra og tækis og notkun vefsins, sem safnað er með vafrakökum (sjá kafla 7).

3. Tilgangur og lagagrundvöllur vinnslu

• Til að afgreiða og afhenda pantanir og sinna skilum og endurgreiðslum – á grundvelli samnings við þig.
• Til að uppfylla lagaskyldur, t.d. samkvæmt lögum um bókhald og virðisaukaskatt.
• Til að svara fyrirspurnum og veita þjónustu – á grundvelli lögmætra hagsmuna.
• Til að senda markpóst og tilboð – aðeins með samþykki þínu, sem þú getur afturkallað hvenær sem er með hlekk neðst í póstinum eða með því að hafa samband.
• Til að tryggja öryggi og virkni vefsins og koma í veg fyrir svik – á grundvelli lögmætra hagsmuna.

4. Miðlun upplýsinga til þriðju aðila

Við seljum aldrei persónuupplýsingar. Upplýsingum er aðeins miðlað til aðila sem nauðsynlegir eru til að veita þjónustuna:

• Shopify – rekur vefverslunina og vistar gögn fyrir okkar hönd sem vinnsluaðili.
• Greiðslugátt og færsluhirðir (Landsbankinn hf.) – til að framkvæma og staðfesta kortagreiðslur.
• Flutningsaðilar (t.d. Pósturinn og Dropp) – nafn, heimilisfang og símanúmer til að afhenda vöruna.
• Opinberir aðilar – þegar okkur ber lagaskylda til.

Sumir vinnsluaðilar, t.d. Shopify, kunna að vinna gögn utan Evrópska efnahagssvæðisins. Í þeim tilvikum er flutningur byggður á viðeigandi verndarráðstöfunum, svo sem stöðluðum samningsákvæðum framkvæmdastjórnar ESB.

5. Meðhöndlun og öryggi kortaupplýsinga

• Við geymum aldrei kortaupplýsingar. On & Off ehf hefur hvorki aðgang að né vistar fullt kortanúmer, gildistíma eða öryggisnúmer (CVC) greiðslukorta.
• Dulkóðuð samskipti: Kortaupplýsingar eru slegnar inn á öruggri greiðslusíðu og sendar dulkóðaðar (TLS/SSL) beint til greiðslugáttar og færsluhirðis.
• PCI DSS: Greiðsluferlið er rekið af aðilum sem eru vottaðir samkvæmt PCI DSS, alþjóðlegum öryggisstaðli kortafyrirtækjanna um meðhöndlun kortaupplýsinga. Shopify er vottað samkvæmt PCI DSS Level 1.
• Auðkenning korthafa: Við greiðslu kann að vera óskað eftir auðkenningu með 3-D Secure (Visa Secure / Mastercard Identity Check) til að koma í veg fyrir misnotkun korta.
• Takmarkaðar upplýsingar: Við fáum aðeins upplýsingar um hvort greiðsla hafi verið samþykkt, ásamt tegund korts og síðustu fjórum tölustöfum, sem nýtist til að afgreiða pantanir, endurgreiðslur og fyrirspurnir.

6. Varðveislutími

Við geymum persónuupplýsingar ekki lengur en þörf krefur. Bókhaldsgögn, þar á meðal upplýsingar um pantanir og reikninga, eru varðveitt í sjö ár í samræmi við lög nr. 145/1994 um bókhald. Netfangi á póstlista er eytt þegar þú afskráir þig. Aðrar upplýsingar eru varðveittar eins lengi og nauðsynlegt er vegna tilgangs vinnslunnar.

7. Vafrakökur

Vefurinn notar vafrakökur sem eru nauðsynlegar fyrir virkni hans, t.d. innkaupakörfu og greiðsluferli. Aðrar vafrakökur, t.d. til tölfræðigreiningar eða markaðssetningar, eru aðeins notaðar með samþykki þínu. Þú getur breytt samþykki þínu hvenær sem er með hlekknum „Cookie preferences“ neðst á síðunni eða í stillingum vafrans.

8. Öryggi upplýsinga

Við gerum viðeigandi tæknilegar og skipulagslegar ráðstafanir til að vernda persónuupplýsingar gegn óheimilum aðgangi, breytingum, eyðingu eða birtingu. Allur vefurinn er dulkóðaður (HTTPS) og aðgangur að gögnum er takmarkaður við þá sem þurfa hann starfs síns vegna.

9. Réttindi þín

Þú átt rétt á að:

• fá aðgang að þeim persónuupplýsingum sem við vinnum um þig,
• fá rangar upplýsingar leiðréttar,
• fá upplýsingum eytt, nema okkur beri lagaskylda til að varðveita þær,
• andmæla vinnslu eða fá hana takmarkaða,
• fá upplýsingar afhentar á tölvutæku formi (flutningsréttur),
• afturkalla samþykki hvenær sem er.

Beiðnir má senda á onogoff@onogoff.is. Við svörum innan eins mánaðar. Ef þú telur að vinnsla brjóti gegn persónuverndarlögum getur þú lagt fram kvörtun hjá Persónuvernd, www.personuvernd.is.

10. Breytingar á stefnunni

On & Off ehf áskilur sér rétt til að uppfæra þessa stefnu. Nýjasta útgáfa er ávallt birt á vefnum ásamt dagsetningu síðustu uppfærslu.